Statusi: Projekt i përfunduar
Programi: GreenAL
Grantdhënësi: Co-PLAN
Donatori: Sida – Agjencia Suedeze për Bashkëpunim Ndërkombëtar
Periudha: 20 shtator 2025 – 20 mars 2026
Zona e zbatimit: Shkolla 9-vjeçare “Pashko Vasa”, Bashkia Mirditë
Fusha: Edukim mjedisor, biodiversitet dhe ekonomi qarkulluese
Përshkrimi
Projekti “Rrënjët e Gjelbërta janë Fuqia e Ndryshimit” promovoi edukimin mjedisor përmes një qasjeje praktike, krijuese dhe gjithëpërfshirëse. Nxënësit, mësuesit, prindërit dhe aktorët lokalë u angazhuan në aktivitete që lidhën njohuritë teorike me veprime konkrete për mbrojtjen e mjedisit.
Një nga rezultatet kryesore ishte krijimi i Serës Vertikale – Laborator i Gjelbër për Shkollat, një hapësirë didaktike ku nxënësit mësojnë mbi rritjen e bimëve, biodiversitetin, bujqësinë urbane, riciklimin dhe ripërdorimin e materialeve.
Aktivitetet përfshinë punëtori edukative, sfida mjedisore, ekspozita, aktivitete riciklimi, kamp mjedisor, takime me komunitetin dhe panairin “Toka Jonë”. Në projekt u përfshinë drejtpërdrejt rreth 180 nxënës, 12 mësues, prindër, institucione dhe përfaqësues të komunitetit.
Projekti realizoi të gjitha aktivitetet e planifikuara dhe ndikoi në rritjen e njohurive, përgjegjësisë dhe veprimit konkret për mjedisin. Sera vertikale mbetet një aset afatgjatë për shkollën dhe një model që mund të përsëritet në institucione të tjera arsimore.